واشنگٹن: امریکی صدارتی امیدوار کی نامزدگی کی دوڑ میں ہلیری کلنٹن اورڈونلڈ ٹرمپ سب سے آگےہیں، سابق خاتون اول نے ریاست ورجینیا اورجارجیامیں ڈیموکریٹ پرائمریزجیت لیں، جبکہ ڈونلڈ ٹرمپ نے جارجیا میں ری پبلکن میں کامیابی حاصل کرلی۔
تفصیلات کے مطابق ڈیموکریٹ پارٹی امریکی صدارتی امیدوار کی نامزدگی کیلئے جاری دور میں ہلیری کلنٹن سب سے آگے ہیں ، اب تک ہلیری کلنٹن کے چھ سو چھپن اور برنی سینڈرز کےایک سو چوالیس ڈیلی گیٹس منتخب ہوچکے ہیں۔
ریاست ورجینیا اور جارجیا کی پرائمریز میں ہلیری کلنٹن جبکہ ریاست ورمونٹ میں برنی سینڈرز کو کامیابی ملی ہے۔
دوسری جانب ری پبلکن پارٹی میں صدارتی امیدوار کی نامزدگی کی دوڑ میں ڈونلڈ ٹرمپ سرفہرست ہیں،اب تک کے پرائمریز کے نتائج کے مطابق ڈونلڈ ٹرمپ کے بیاسی، ٹیڈ کروز کے سترہ اورمارکوروبیو کےسولہ ڈیلی گیٹس منتخب ہوئے ہیں۔
واضح رہے کہ امریکی صدر باراک اوبامہ کے جانشین کے لئے انتخابات رواں سال نومبرمیں ہوں گے اودونوں جماعتوں کے صدارتی امیدوارکے لیے مقابلہ جاری ہے۔
