انقرہ: ترکی میں زمان اخبار بند کرنے کےخلاف سیکڑوں مظاہرین نےحکومت کے خلاف احتجاج کیا، پولیس کے واٹر کینن اورآنسو گیس کے استعمال سے مظاہرین منتشرہوگئے۔
غیرملکی ذرائع ابلاغ کے مطابق سیکڑوں مظاہرین نےاخبارزمان کے دفتر کے باہر حکومت کی جانب سے اخبار کو بندکرنےکیخلاف احتجاج کیا۔زمان اخبار پرحکومت مخالف سرگرمیوں میں ملوث ہونے کا الزام لگایاگیاتھا۔
زمان اخبار کی صحافتی سرگرمیاں معطل کرنے کیخلاف احتجاج کرنے والوں کو منتشر کرنےکیلئےترک پولیس نے آنسو گیس اورواٹر کینن کا استعمال کیا۔
- Advertisement -
انسانی حقوق کی تنظیموں اوریورپی حکام نے ترکی اور یورپی یونین کی ملاقات میں صحافتی ادارے پرچڑھائی کی شدید مذمت کی اورترک حکومت کی جانب سے تنقید کرنے والوں کے منہ بند کرنے پر تشویش کا اظہار کیا۔
