آئی سی سی ورلڈ ٹی ٹوئنٹی کا آغاز ہوگیا، کوالیفانگ راؤنڈ کے پہلے روز زمبابوے اورافغانستان کی ٹیموں نے اپنے میچز جیت لیے۔
ناگپورمیں ورلڈ ٹی ٹوئنٹی کے چھٹے ایڈیشن کا آغازہوگیا، پہلے مرحلے میں آٹھ کوالیفانگ ٹیمیں ٹکرائیں گی، ایونٹ کے پہلے میچ زمبابوے نے ہانگ کانگ کو باآسانی چودہ رنزسے شکست دی، زمبابوے کے ایک سواٹھاون رنزکےجواب میں ہانگ کانگ کی ٹیم ایک سو چوالیس رنزبناسکی۔
دوسرے میچ میں افغانستان نےمحمدشہزاد کی شاندارنصف سنچری کی بدولت اسکاٹ لینڈ کوزیر کیا، افغانستان نے پہلے بیٹنگ کرتے ہوئے ایک سو ستررنزبنائے، ہدف کے تعاقب میں اسکاٹ لینڈ کی ٹیم ایک سو چھپن رنزبناسکی۔
