کولکتہ : نیوزی لینڈ نےبنگلادیش کو 75 رنزکےبڑے مارجن سےشکست دے دی۔ کیویز نےناقابل شکست رہتے ہوئے سیمی فائنل میں جگہ بنائی۔
تفصیلات کے مطابق گھرکےشیربنگلادیش کولکتہ کےایڈن گارڈنز میں بھی ڈھیرہوگئے ، کیویز نے بنگال ٹائیگرز کے واحد میچ جیتنےکےارمانوں پربھی پانی پھیردیا۔
ٹاس جیت کرپہلے بیٹنگ کرتےہوئےنیوزی لینڈنےآٹھ وکٹ پرایک سو پینتالیس رنزبنائے۔ کین ولیمسن بیالیس، کولن منرو پینتس اورروس ٹیلراٹھائیس رنزبناکر نمایاں رہے۔
ٹاپ آڈر کےآؤٹ ہوتے ہی مڈل آڈربلےبازوں نےہیتھارڈال ڈئیے۔ بنگلادیشی فاسٹ بولرمستفض الرحمان نے پانچ کیویزکاشکارکیا۔
جواب میں کیوی بولرزبلےبازوں کے ڈراؤناخواب ثابت ہوئے۔ تمیم اقبال،شبیررحمان اورشکیب الحسن محض رسم پوری کرنے وکٹ پرآئے۔
بنگلادیش کےصرف تین ہی بلےباز ڈبل فیگرمیں داخل ہوئے۔ شواگاتا ہوم سولہ رنزکےساتھ ٹاپ اسکورر رہے۔ گرانٹ ایلیٹ اوراس سودھی نے تین تین کھلاڑیوں کوپویلین کی راہ دکھائی۔
بولنگ وکٹ پربیالیس رنزبنانےپرولیمسن میچ کےبہترین کھلاڑی قرار پائے۔
