بولیویا میں ٹرانسپورٹ کے کرایوں میں اضافے کے بعد ٹرانسپورٹ سے وابستہ ہزاروں افراد سراپا احتجاج بن گئے، مظاہرین نے دارالحکومت لاپاز کی مرکزی شاہراہ بند کردی۔
ٹرانسپورٹ انڈسٹری سے وابستہ تقریبا پچیس ہزار افراد نے دارالحکومت لاپاز کو بولیویا کے دوسرے بڑے شہر ال آلٹو سے ملانے والی شاہراہ بلاک کر دی، مظاہرین مقامی حکومت کیجانب سے ٹرانسپورٹ کے کرایوں میں اضافے اور ٹرانسپورٹ کا نظام بلدیاتی حکومت کے کنٹرول میں لئے جانے کیخلاف احتجاج کر رہے تھے۔
مظاہرین کا کہنا تھا کہ ٹرانسپورٹ کرایوں میں کیا گیا اضافہ جب تک واپس نہیں لیا جائے گا ان کا احتجاج جاری رہے گا۔
