کشمور : امن و امان کی خراب صورتحال کے باعث کشمور سے بھارت سمیت دیگر ممالک نقل مکانی کرنے والی ہندو برادری کی بڑی تعداد پاکستان واپس آگئی۔
تفصیلات کےمطابق امن و امان کی مخدوش صورتحال کے سبب سندھ کے ضلع کشمور سے نقل مکانی کرنے والی ہندو برادری کی بڑی تعداد نے بھارت سمیت دیگر ممالک نقل مکانی اختیار کرلی تھی ۔
واپس آنے والے افراد کا کہنا ہے کہ آپریشن ضرب عضب اور کشمور میں گینگ وار کے خلاف کے خلاف ہونے والی کاروائیوں سے ملک میں امن واپس آیا ہے ۔ پاکستان ہمارا ملک ہے اور یہاں رہنا اچھا لگتا ہے، بقیہ افراد بھی جلد واپس آجائیں گے۔
ایس ایس پی کشمور کے مطابق ضلع میں چوری، ڈکیتی اور اغواء برائے تاوان کی وارداتوں کی پیش نظر پوری برادری کو تحفظات درپیش تھے۔ دہشت گردوں کے خلاف بلا امتیاز کاروائی کے سبب ملک میں امن کی فضاء بحال ہوئی ہے ۔
اس موقع پر آنے والے افراد نے اس عزم کا اظہار کیا ہے کہ ہندو برادری کو ملک میں ملنے والے حقوق سے مطمئن ہیں اور پاکستان میں مزید امن کے لئے دعا گو ہیں ۔
واضح رہے امن و امان کی مخدوش صورتحال کے باعث اقلیتی برادری نے ملک بھر سےنقل مکانی کی تھی ۔