گوجرانوالہ : آرمی ،حساس ادارے اور پولیس نے گوجرانوالہ کینٹ سے ملحقہ علاقوں میں مشترکہ کارروائی کی 5مشکوک افراد کو حراست میں لے کر تحقیقات شروع کر دی گئیں۔
تفصیلات کے مطابق دہشت گردوں کیخلاف قانون نافذ کرنے والوں کی کارروائیاں جاری ہیں۔
گوجرانوالہ میں پاک آرمی ، حساس ادارے ، سی ٹی ڈی اور پولیس نے کینٹ سے ملحقہ علاقوں، بدو کی گوسائیاں ، امرت پورہ ، راہوالی ، ڈی سی کالونی ، گلاب پورہ سمیت متعدد مقامات پر سرچ آپریشن کیا۔
آپریشن کےدوران 5 مشکوک ا فراد کو حراست میں لے لیا گیا، زیر حراست افراد کے کوائف کی جانچ پڑتال شروع کر دی گئی ہے.
