پشاور : پاکستان تحریک انصاف کے چیئر مین عمران خان سےشادی کی خواہش مند اداکارہ عینی خان جلسہ گاہ پہنچ گئیں، پنڈال میں پی ٹی آئی کارکنان نے ان کا گھیراؤکرلیا اورپھر جو لاہور میں ہوا وہی پشاور میں بھی دہرا دیا گیا اور ان کے ساتھ بدتہذیبی کی گئی۔
تفصیلات کے مطابق پی ٹی آئی کے پشاور میں ہونے والے جلسہ میں پشاور سے تعلق رکھنے والی ایک اداکارہ اور اسٹیج ڈانسرعینی خان عمران خان سے ملنے کی غرض سے جلسہ گاہ پہنچیں تو کچھ کارکنان نے انہیں گھیر لیا اوران کے ساتھ مبینہ طور پر بد تہذیبی کا مظاہرہ کیا گیا۔
مذکورہ اداکارہ نے پی ٹٰی آئی کے پرچم کے رنگ کی ساڑھی زیب تن کی ہوئی تھی ، مردوں کے نرغے میں گھری ماڈل کو میڈیا کی گاڑی کے ذریعے باہر نکالا گیا۔
بعد ازاں اے آر وائی سے گفتگو کرتے ہوئے عینی خان کا کہنا تھا کہ میں عمران خان کو پروپوز کرنے کے لئے جلسہ میں آئی تھی کہ کہیں دیر نہ ہوجائے، لیکن پی ٹی آئی کے کارکنوں نے میرے ساتھ بدتمیزی کی۔
انہوں نے کہا کہ کیا کیا کسی کا فین بننا غلط بات ہے؟ انہوں نے متعلقہ حکام سے مطالبہ کیاکہ واقعے کا نوٹس لیا جائے۔ یاد رہے کہ پی ٹی آئی کے آج ہونے والے جلسے میں خواتین کی شرکت کو ممنوع قرار دیا گیا تھا۔
دوسری جانب تحریک انصاف کےترجمان نعیم الحق نے کہا کہ ماڈل کو جلسہ شروع ہونے سے پہلے سازش کے تحت بھیجا گیا۔ تاکہ بد نظمی پیدا کی جا سکے، اس کا تعلق پشاورسے نہیں ہے ، ماڈل نے خود تماشا لگایا اس کا مقصد پورا ہو گیا۔
PTI workers tease a model at the venue of their… by arynews
