لاہور: گلوکارہ حمیرا ارشد نے خاوند سے خلع کی درخواست واپس لے لی،کلوکارہ کے وکیل کے مطابق ان کی شوہر کے ساتھ صلح ہوگئی ہے.
تفصیلات کے مطابق لاہور کی فیملی عدالت کی جج جویریہ ملک نے گلوکارہ حمیرا ارشد کی جانب سے دائر درخواست کی سماعت کی، حمیراارشد کے وکیل نے عدالت کو بتایا کہ ان کی مؤکلہ کی خاوند سے صلح ہوچکی ہے اور وہ دعوے کی پیروی نہیں کرناچاہتی ہیں.
گذشتہ روزگلوکارہ حمیرا ارشد نے اپنے خاوند احمد بٹ کیخلاف خلع کی درخواست دائر کی تھی، فیملی عدالت نے معروف گلوکارہ حمیرہ ارشد کی جانب سے خلع کے لئے دائر درخواست پر گلوکارہ کے خاوند احمد بٹ کو نوٹس جاری کرتے ہوئے جواب طلب کیا تھا.
یاد رہے بارہ سال قبل 2004 میں حمیرہ ارشد کے مقبول گیت گل سن ڈھولنا کی ویڈیو ریکارڈنگ کے دوران ان کی ملاقات احمد بٹ سے ہوئی جودوستی، محبت اور پھر شادی میں بدل گئی تھی۔
