پشاور: الیکش کمیشن نے خیبر پختونخوا اسمبلی کی نشست پی کےآٹھ پر ضمنی انتخابات میں عوامی اجتماع سے خطاب اور پارٹی امیدوار کی حمایت پر پاکستان تحریک انصاف کے چئیرمین عمران خان نوٹس جاری کردیا۔
ضلعی ریٹرنگ آفیسر عنایت اللہ وزیر کی جانب سے جاری نوٹس میں عمران خان کو مخاطب کرکے کہا گیا ہے کہ خیبر پختونخوا کی نشست پی کے آٹھ کی حدود میں نو مئی کو عوامی اجتماع سے خطاب اور پارٹی امیدوار شہزاد خان کی حمایت الیکشن کمیشن کے قواعد و ضوابط کی خلاف ورزی ہے۔
ڈی آر او نے عمران خان کو اپنی پوزیشن واضح کرنے کیلئے تیرہ مئی کو ان کے رو برو پیش ہونے کی ہدایت کردی ہے۔
یاد رہے کہ الیکشن کمیشن نے مولانافضل الرحمان ،عمران خان اورڈسٹرکٹ ناظم پشار کو پہلے ہی خبردار کیا تھا جس کے باعث مولانا فضل الرحمان نے عوامی اجتماع سے خطاب نہیں کیا۔
