اسلام آباد : پنجاب کےوزیرقانون راناثناءاللہ نےاعتزاز احسن پرالزامات اورطنز کی برسات کردی۔ رانا ثناء اللہ نےاعتزازاحسن کو کوہ قاف کی شہزادی قراردےدیا۔
تفصیلات کے مطابق سرکارکےخلاف سرگرم اعتزازاحسن لیگیوں کےنشانےپر آگئے، پانامہ لیکس پر حکومتی دفاع کرنے والے وزراء میں پنجاب کے صوبا ئی وزیر قانون رانا ثنا اللہ آگے آگے ہیں.
انہوں نے میڈیا سے گفتگو میں جہاں وزیر اعظم اور ان کے خاندان کا بھر پور دفاع کرنے کی کوشش کی۔ وہیں مخالفین پر اپنے مخصوص انداز میں طنز کے نشتر بھی برسائے۔
پیپلز پارٹی کےاندرونی معاملہ پرٹانگ اڑاتے ہوئے انہوں نے کہا کہ راجہ ریاض کےپارٹی چھوڑنےکی وجہ اعتزازاحسن ہیں، پیپلزپارٹی کاپنجاب میں باب بندہورہا ہے۔
راجہ ریاض کے پی ٹی آئی میں جانے میں اعتزازاحسن ملوث ہیں۔ انہوں نے اعتزاز احسن کوکوہ قاف کی شہزادی قرار دیتے ہو ئے کہا کہ اب وہ سات ہزار سوالوں کی بات کررہے ہیں۔
راناثنااللہ کا کہنا تھا کہ جو عمران خان کا ایجنڈا ہے وہی اعتزاز احسن کا ایجنڈا ہے.
وزیرقانون پنجاب نے اپنے قائد کا دفاع کرتے ہو ئے کہا کہ ہر آف شور کمپنی بنانے کا مقصد غلط نہیں ہو تا۔ اپوزیشن ملکی ترقی نہیں چاہتی۔ لیکن حکومت سی پیک سمیت اپنے تمام ترقیاتی منصوبے مکمل کرے گی۔
