واشنگٹن : ریپبلکن امیدوار ڈونلنڈ ٹرمپ کاامریکی صدارتی نامزدگی کاخواب پوراہونے کےقریب پہنچ گیا، ان کو اس وقت ایک ہزار دو سو اڑتیس مندوبین کی حمایت حاصل ہے.
تفصیلات کے مطابق ڈونلڈ ٹرمپ نےریپبلکن پارٹی کی نامزدگی حاصل کرنےکیلئےدرکارمندوبین کی حمایت حاصل کرلی ہے، اس وقت ڈونلڈ ٹرمپ کو ایک ہزاردو سو اڑتیس مندوبین کی حمایت حاصل ہے جو صدارتی امیدوار کی نامزدگی یقینی بنانے کے لیے کافی ہیں.
ڈونلڈ ٹرمپ نے ریپبلکن جماعت کے صدارتی امیدوار کی نامزدگی کی دوڑ میں سولہ امیدواروں کو شکست دی ہے.
ریپبلکن جماعت کے صدارتی امیدوار ڈونلڈ ٹرمپ نے شمالی ریاست ڈکوٹا سے تعلق رکھنے والےپندرہ مندوبین کا شکریہ اداکیاجن کےمتعلق ٹرمپ کاکہناہے کہ انکی وجہ سے وہ دوڑ میں سب سے اوپر پہنچ گئے ہیں.
ڈونلڈ ٹرمپ کا صدارتی امیدوار کے لیے نامزدگی کا باقاعدہ اعلان جولائی میں کیا جائے گا۔
