کراچی : سابق وزیر اعظم بے نظیر بھٹو شہید کی صاحبزادیوں بختاور اور آصفہ بھٹو زرداری نےکاٹھور میں منعقدہ ایک تقریب میں مستحق افراد میں راشن تقسیم کیا۔اس تقریب کا انعقاد متحدہ عرب امارات کے تعاون سے کیا گیا تھا۔
تفصیلات کے مطابق کراچی کےعلاقے کاٹھورمیں آصفہ اوربختاور بھٹوذرداری مستحق افراد میں راشن تقسیم کرنے کی تقریب میں پہنچیں، راشن کی تقسیم متحدہ عرب امارات کی شیخ فاطمہ بنت مبارک کے تعاون سے کی گئی۔
Bakhtawar and Asifa Bhutto distribute ration in… by arynews
آصفہ اوربختاوربھٹو نے مستحق خواتین میں راشن تقسیم کیا، اس موقع پربختاوربھٹو نے ایک بچےکو گود میں اٹھا لیا۔ آصفہ بھٹو بھی چہرے پر مسکراہٹ لئے مقامی خواتین میں گھل مل گئیں۔
راشن کی تقسیم کا یہ سلسلہ گزشتہ دس سال سے جاری ہے ، بختاوربھٹو نےمیڈیا سے گفتگو میں شیخ فاطمہ بنت مبارک کا شکریہ ادا کیا۔
آصفہ بھٹو کا کہنا تھا کہ یو اے ای کے قونصل جنرل اس پروگرام کا دائرہ وسیع کرناچاہتےہیں اس معاملےمیں جو تعاون ہوسکے گا وہ کریں گے۔
