لاہور: مسلم لیگ ق کے مرکزی رہنما چودھری پرویزالہی نے کہا ہے کہ شہبازشریف نے پنجاب کو کنگال کردیا، جن منصوبوں سے پیسے بنتے ہیں حکومت وہ منصوبے لگا رہی ہے، مسلم لیگ ق طاہرالقادری کے17جون کے دھرنے میں شرکت کرے گی۔
لاہور میں پریس کانفرنس کرتے ہوئے چودھری پرویز الہی نے کہا کہ پاناما لیکس پر حکومت اور اپوزیشن میں ڈیڈ لاک برقرار ہے 17 جون کو پاکستان عوامی تحریک کے دھرنے میں بھرپور شرکت کریں گے۔
انہوں نے کہا کہ پنجاب کا بجٹ عوام دشمن بجٹ ہے جسے مسترد کرتے ہیں، حکومت کی ترجیحات صحت تعلیم نہیں بلکہ جنگلا بس اور اورنج ٹرین ہے۔
- Advertisement -
چودھری پرویزالہی نے کہا کہ شہبازشریف سب سے بڑے شعبداباز ہیں انکی پالیسیوں نے پنجاب کو کنگال کردیا ہے ، انہوں نے کہا کہ پانامالیکس پر مونس الہی سمیت ہم احتساب کے لیے تیار ہیں لیکن وزیر اعظم کا بھی احتساب ہونا چاہیے۔
