گوجرانوالہ: جان بنانے کا ایک اورشوقین جان سے گیا،پہلوانوں کے شہرمیں چوتھے باڈی بلڈرکی پراسرارموت ہوئی ہے، عرفان بٹ چودہ اگست کے مقابلوں کی تیاری کررہا تھا۔
پہلوانوں کے شہر میں صحت بنانے کے شوقین جان گنوا رہے ہیں، دو ماہ کے دوران چوتھا باڈی بلڈر دم توڑگیا، عرفان چودہ اگست کے مقابلےکی تیاری کررہا تھا۔
عرفان بٹ کی ورزش کے بعد گھرآتے ہوئے طبیعت بگڑی،اسپتال لے جاتے ہوئے راستےمیں ہی دم توڑ گیا،گھر والوں کا کہنا ہے کہ عرفان بلڈ پریشر کا مریض تھا،دل کا دورہ جان لیوا ثابت ہوا۔
ذرائع کے مطابق باڈی بلڈر عرفان مبینہ طور پر قوت بخش دوائیں استعمال کرتا تھا جو موت کی وجہ بنی لیکن گھر والے اس کی تردید کرتے ہیں ان کا کہنا ہے کہ وہ باڈی بلڈنگ ہی چھوڑ چکا تھا۔
عرفان کے گھر والوں کا دعوٰی اپنی جگہ لیکن گوجرانوالہ میں یہ اپنی نوعیت کا پہلا واقعہ نہیں، اس سے پہلے دو ماہ کے دوران تین باڈی بلڈرز قوت بخش دواؤں کے استعمال کے سبب کی وجہ سے دم توڑچکے ہیں۔
