لاہور: مقبوضہ کشمیر میں بھارتی مظالم کے خلاف پنجاب اسمبلی میں قرار داد جمع کرادی گئی جس میں کشمیر کے مظالم پر احتجاجاً بھارتی سفیر کو ملک بدر کرنے اور وفاقی حکومت کو مسئلہ کشمیر کے حل کے لیے سفارتی کوششیں تیز کرنے کا مطالبہ کیا گیا ہے۔
Resolution submitted in Punjab Assembly to… by arynews
قرار داد پیپلز پارٹی کی رکن اسمبلی فائزہ ملک نے جمع کرائی ہے جس میں کہا گیا ہے کہ 40 کشمیریوں کی شہادت،1500 افراد کے زخمی ہونے اور 92افراد کے نابینا ہونے کے معاملے پر احتجاج کرتے ہوئے بھارتی سفیر کوملک بدر کیا جائے۔
فائزہ ملک نے قرار داد میں مزید کہا کہ مسئلہ کشمیر کے حل کے لیے وفاقی حکومت کے اقدامات ناکافی ہیں، حکومت مسئلہ کشمیر کو حل کرنے کے لیے اپنی سفارتی کوششیں تیز کرے۔ مزید ازاں قرارداد میں شہید اور زخمی باشندوں کے اہل خانہ کے ساتھ اظہار یکجہتی اور اظہار افسوس بھی کیا گیا۔
