انقرہ: ترکی میں فوجی بغاوت کی ناکامی کی خبریں زبان زد عام ہیں، ایسے میں باغی فوجیوں کی جانب سے بھی پرعزم لڑائی کو جاری رکھنے کا بیان سامنے آیا ہے۔
تفصیلات کے مطابق گزشتہ شب ترک فوج کی جانب سے اپنے ہی ملک میں پیش قدمی کو عوام نے ناکام بنا دیا، فوجی بغاوت عوام کے ہاتھوں جکچلی جا چکی ہے سرکاری عمارتوں قبضے کے غرض سے داخل ہونے والے فوجیوں کو سخت عوامی ردعمل کا سامنا ہے اور عوام اور پولیس باغی فوجیوں کو گرفتار کرتی نظر آرہی ہے۔
ترکی صدر نے اپنی آواز پر لبیک کہنے والوں شہریوں کا شکریہ ادا کرتے ہوئے بغاوت کچلے جانے کی خوشخبری سنائی ہے جب کہ بغاوت کے بعد لاپتہ آرمی چیف کو بھی بازیاب کروانے کا حکومتی دعوی سامنا آچکا ہے۔
مزید پڑھیے : ترکی میں بغاوت کی کوشش عوام نے ناکام بنادی، 90 افراد ہلاک
ایسے میں غیر ملکی خبر رساں ایجنسی نے خبر نشر کی ہے کہ ترکی میں بغاوت کرنے والے فوجیوں کی جانب سے ای میل سامنے آئی ہے جس میں فوجی باغیوں نے دعوی کیا ہے کہ لرائی ابھی ختم نہیں ہوئی ہے ملک کی بڑی سرکاری عمارتوں اور اہم مقامات پر پیش قدمی کرنے والے فوجی اب بھی پرعزم ہیں اور محاذ پر ڈٹے ہوئے ہیں معاملہ ابھی ختم نہیں ہوا ہے،ایسی صورتَ حال میں میڈیا کا کوئی بھی نتیجہ اخذ کرنا قبل از وقت ہو گا۔
اسی سے متعلق : ترکی میں فوجی بغاوت کی سیاہ تاریخ
دوسری جانب ترکی کی سڑکوں پر اب بھی کئی جگہ پر ٹینک موجود ہیں، جن میں سے کچھ ٹینک خالی ہیں اور ان کے قریب مسلح پولیس موجود ہے،جمہوریت پسند ترک عوام نے فوجی بغاوت کے خلاف آواز اٹھا کر نہ صرف فوجیوں کو نکال بھگایا بلکہ اب وہاں کھڑے خالی ٹینکوں کیساتھ سیلفیاں بھی بنائیں۔
