کوئٹہ: صوبہ بلوچستان کے دارالحکومت کوئٹہ سے تعلق رکھنے والے باکسر محمد وسیم کا کہناہے کہ حکومت نے انہیں سپورٹ نہیں کیا،لیکن وہ اس کے باوجود پاکستان اوراپنے صوبے کے لیے کھلیتے رہیں گے.
تفصیلات کے مطابق جنوبی کوریا کےدارالحکومت سیئول میں انٹرنیشنل پروفیشنل سلور ٹائٹل جیتنے کے بعد کوئٹہ آمد پر میڈیا سے گفتگو کرتے ہوئےمحمد وسیم نے کہا کہ ڈبلیو بی سی ٹائٹل جیتنا ہر باکسر کی خواہش ہوتی ہے تاہم ٹائٹل جیتنے کے باوجود ملک کےلیے کھیلتا رہوں گا اور باہر نہیں جاﺅں گا.
محمد وسیم کا مزید کہنا تھا کہ انہوں نے ٹائٹل جیتنے کےلیے خوب محنت کی اور پاکستان کےلیے ٹائٹل جیتا تاہم ڈائریکٹر سپورٹس کے علاوہ استقبال کےلیے کوئی نہیں آیا جس کا افسوس ہے.
*پاکستانی باکسر محمد وسیم نے ڈبلیو بی سی سلور فلائی ویٹ ٹائٹل جیت لیا
یاد رہے کہ باکسر محمد وسیم نے حال ہی میں جنوبی کوریا کے دارلحکومت میں ڈبلیو بی انٹرنیشنل پروفیشنل سلور ٹائٹل جیتا تھا،انہوں نے فلپائن کے مایہ ناز باکسر میتھراولیوا کو شکست دی تھی،جس کے بعد وہ عالمی پروفیشنل باکسنگ کی رینکنگ میں چوتھے نمبر پر آگئے.
