ممبئی: بالی وڈ اداکارہ سوناکشی سنہا پاکستانی مصنف صبا امتیاز کے ناول ’کراچی یو آر کلنگ می‘ پر بننے والی فلم ’نور‘ میں نظر آئیں گی.
تفصیلات کے مطابق بالی ووڈ اداکارہ سوناکشی سنہا ناول ’کراچی یو آر کلنگ می‘ پربننے والی فلم میں ایک صحافی ’نور‘ کا کردار کرتی نظر آئیں گی،اداکارہ نے حال ہی میں سماجی رابطے کی ویب سائٹ ٹوئیٹر پر ایک تصویر اپنے مداحوں کے ساتھ شیئر کی جس میں انہوں نے فلم میں استعمال کی جانے والی اپنی جیولری دکھائی.
She collects words in all shapes/sizes & hangs 'em like bangles in her mind. She's tht girl, she's #Noor #SuperShoot pic.twitter.com/9sIlDMRMi9
— Noor The Film (@NoorTheFilm) July 19, 2016
کراچی یو آر کلنگ می‘ صبا امتیاز کا پہلا ناول ہے جو 2014 میں شائع ہوا تھا،اس ناول کی مرکزی کردار عائشہ نامی ایک صحافی ہے جو کراچی میں رہتی ہے اور ایک انگریزی اخبار میں ملازمت کرتی ہے.
یاد رہے کہ گزشتہ ماہ سوناکشی نے اپنی سالگرہ کے موقع پر اپنی فلم ’نور‘ کا ایک ٹیزر بھی شیئر کیا تھا جسے مداحوں نے بے حد پسند کیا تھا.
ڈائریکٹر سنہل سپی کی ہدایت میں بننے والی فلم ممبئی میں مقیم بیس سالہ صحافی نور روئے چوہدری پر بنائی جارہی ہے جس میں سوناکشی مرکزی کردار کرتی نظر آئیں گی.
واضح رہے کہ بالی ووڈ اداکارہ سوناکشی سنہا اس وقت اپنی فلم ’اکیرہ‘ میں مصروف ہیں جو رواں سال 2 ستمبر کو سنیما گھروں میں پیش کی جائے گی.
