کراچی: سوشل میڈیا سے پاکستان بھر میں شہرت حاصل کرنے والی قندیل بلوچ کو قتل ہوئے ایک ہفتہ گزرچکا ہے جبکہ اس ان کے قتل کے حوالے سے مختلف انکشافات بھی ہورہے ہیں۔
ماڈل قندیل بلوچ کے قتل کی تفتیش جاری ہے اسی دوران سماجی رابطے کی مقبول ترین ویب سائٹ فیس بک نے قندیل بلوچ کا آفیشل پیج بھی ڈیلیٹ یا ختم کردیا ہے، قندیل بلوچ کے فیس بک پیج کے فالورز کی تعداد 7 لاکھ سے زیادہ تھی، قندیل بلوچ کا نہ صرف فیس بک اکاونٹ بلکہ فیس بک کی زیرملکیت انسٹاگرام میں بھی قندیل بلوچ کا اکاونٹ ختم کردیا گیا ہے۔
واضح رہے کہ فیس بک کی مرحوم فرد کے حوالے سے پالیسی یہ ہے کہ اگر فین پیج کا ایک سے زیادہ ایڈمسٹریٹر نہ ہو تو اسے بلاک کردیا جاتا ہے، قندیل بلوچ اپنے پیج کی واحد ایڈمنسٹریٹر تھیں جس کے نتیجے میں فیس بک نے ان کا پیج اپنے پلیٹ فارم سے ہٹا دیا ہے۔
انسٹاگرام میں بھی لگ بھگ یہی پالیسی ہے یعنی کسی مرحوم فرد کا اکاﺅنٹ اسی صورت میں بحال رکھا جاتا ہے جب کوئی ٹھوس درخواست موصول ہو ورنہ موت کی تصدیق ہونے کی صورت میں اکاﺅنٹ کو ختم کردیا ہے۔
آپ فیس بک پر قندیل بلوچ کا پیج اوپن کرنے کی کوشش کریں تو یہ میسج سامنے آئے گا۔
دوسری جانب ملتان پولیس نے بھائی کے ہاتھوں غیرت کے نام پرقتل ہونے والی ماڈل واداکارہ قندیل بلوچ کا بینک اکاونٹ ٹریس کرلیا، فوزیہ عظیم کے نام سے کھلوائے گئے بینک اکاونٹ میں ایک لاکھ 25ہزارروپے کی رقم موجود ہے۔
