ٹورنٹو : عالمی نمبر ایک سربیا کے نوواک جوکووچ نے جاپان کے کی نوشیکوری کو شکست دے کر راجر کپ ٹینس ٹورنامنٹ جیت لیا، ویمنز سنگلز میں رومانیہ کی سیمونا ہیلپ فاتح رہیں۔
ٹورنٹو میں کھیلے گئے ایونٹ کے فائنل میں سربیا کے نوواک جوکووچ نے جاپان کے کی نوشیکوری کو دو سیٹ کے مقابلے کے بعد زیر کیا، سرب کھلاڑی نے پہلا سیٹ باآسانی چھ تین سے جیتا۔
دوسرے سیٹ میں ڈوکوچ کو حریف کھلاڑی کی جانب سے سخت مزاحمت کا سامنا کرنا پڑا تاہم انہوں نے سات پانچ سے کامیابی حاصل کرکے راجر کپ اپنے نام کرلیا، یہ جوکووچ کا رواں سال میں ساتواں ٹائٹل ہے۔
ویمنز سنگلز میں عالمی نمبر پانچ رومانیہ کے سمونا ہیلپ نے امریکہ کی میڈیسن کیز کو مات دی، ہیلپ نے پہلے سیٹ میں ٹائی بریک پر سات چھ اور دوسرا سیٹ چھ تین سے جیت کر راجر کپ اپنے نام کیا۔
