کراچی : لوک، کلا سیکی اور پو پ میوزک کے حوالے سے معروف کو ک اسٹوڈیو نے سماعت سے محروم بچوں کیلئے موسیقی ترتیب دی۔
پاکستان میں کم وبیش نوے لاکھ لوگ سماعت سے محروم ہیں، پاکستان کے سب سے بڑے میوزک پلیٹ فارم کوک اسٹوڈیو سیزن 9 سے قبل کوکا کولا پاکستان نے سماعت سے محروم افراد کو موسیقی محسوس کرانے کے لئے منفرد طریقہ ایجاد کیا ہے، اس سلسلے میں کوک اسٹوڈیو نے جدید ٹیکنالوجی کے ملاپ سے سماعت سے محروم افراد کو بنیادی سطح کی موسیقی سننے کا موقع فراہم کیا ہے۔
We believe music is a feeling everyone should experience. Introducing Coke Studio for the Deaf.https://t.co/SgkUW8trIa #CokeStudio9
— Coke Studio (@cokestudio) July 30, 2016
اس جدید ٹیکنالوجی کے ذریعے ایک ایسا صوفا بنایا گیا ہے، جس کے ساتھ سینکڑوں ارتعاشی انجنوں اور ایل ای ڈی لائٹس گانے کی آواز کے ساتھ منسلک کی گئی ہیں۔ اس صوفے کے گرد ایک بڑی ایل ای ڈی نصب ہے جو موڈ لائٹنگ کو بصری اضافے کے امتزاج سے روشناس کرتی ہے ۔ آخر میں صوفے کے سامنے ایک ایل ای ڈی اسکرین پر ویڈیو چلائی جاتی ہے، جب کہ اسٹوڈیو میں گٹار، ڈرم کٹ اور کی بورڈ اسٹینڈ بھی نصب ہیں، جس پر بیٹھ کر سما عت سے محروم افراد موسیقی محسوس کر سکیں گے۔
اس ایونٹ کا آغاز جدا انداز میں ہوا، جس میں سماعت سے محروم بچوں نے قومی ترانہ اشاروں میں پیش کیا گیا اور گزشتہ آٹھ سال سے جاری کوک اسٹوڈیو کے سیزن سے لطف اندوز ہونے والے دیگر افراد کے ساتھ شامل ہوگئے ہیں۔
کوک اسٹوڈیو کا سیزن 9 اب تک کا سب سے بڑا سیزن ہے، جس کے بارے میں توقع کی جارہی ہے کہ وہ اگست میں متعارف کرادیا جائے گا۔
