اسلام آباد : بھارتی وزیرداخلہ راج ناتھ کل پاکستان آرہے ہیں، ان کی پاکستان آمد کا مقصد سارک ممالک کے وزرائے داخلہ کے اجلاس میں شرکت کرنا ہے۔
مزید پڑھیں : بھارتی وزیرداخلہ آئندہ ماہ 2روزہ دورے پرپاکستان آئیں گے
تفصیلات کے مطابق دنیا بھرمیں سفارتی آداب کے تحت جب بھی کسی ملک کا وزیر دوسرے ملک جاتاہے تو اپنے ہم منصب سے ملاقات کرتا ہے مگر راج ناتھ کی آمد سے پہلے ہی بھا رتی دفتر خارجہ کے ترجمان وکاس سوارپ نے ٹویٹ کی جسمیں کہا گیا کہ راج نا تھ کے پاکستانی دورے میں وہ صرف سارک کانفرنس میں شرکت کریں گے پاکستانی حکام سے دو طرفہ ملاقات نہیں ہو گی۔
Let me categorically state that @HMOIndia is going for SAARC event. There will be no bilateral meetings w/ Pakistan https://t.co/lgbZ3EkJQl
— Vikas Swarup (@MEAIndia) July 29, 2016
بھارتی وزیر داخلہ کا دورۂ پاکستان ایسے موقع پر ہو رہا ہے مقبوضہ کشمیر میں بھارتی تشدد سے شہادتوں کاسلسلہ جاری ہے اور
بھارتی وزیر داخلہ بھارتی سیکو ریٹی اداروں کو لگام دینے کے بجائے پاکستان پر الزام عائدکرتے رہے ہیں۔
مزید پڑھیں : پاکستان کو مسئلہ کشمیر پر اپنا نقطہ نظر تبدیل کرنا ہوگا ، راج ناتھ سنگھ
یاد رہے کہ بھارتی میڈیا کا کہنا تھا کہ بھارتی وزیر داخلہ راج ناتھ سنگھ آئندہ ماہ 2روزہ دورے پر پاکستان آرہے ہیں، راج ناتھ سنگھ سارک کانفرنس میں شرکت کیلئے 3 اگست کو پاکستان پہنچیں گے، انکے ہمراہ مرکزی داخلہ سکریٹر ی راجیو مہرشی اور وزارت داخلہ کے کئی دیگر افسران بھی ہوں گے۔
