لاڑکانہ: بلوچستان سے تعلق رکھنے والی خاتون نے ایک ساتھ چار بچوں کو جنم دیا ہے، ماں اور بچے خیریت سے ہیں۔
تفصیلات کے مطابق لاڑکانہ کے شیخ زید اسپتال میں چار بچوں کو جنم دینے والی خاتون کا تعلق بلوچستان کے ضلع جھل مگسی سے ہے اور انہیں بچوں کی پیدائش کے لیے لاڑکانہ لایا گیا تھا۔
خاتون کے تین بچے پہلے سے ہیں اور مزید چار بچوں کی پیدائش کے بعد وہ سات بچوں کی ماں بن گئی ہیں، اسپتال ذرائع کے مطابق ماں اور تمام بچے خیریت سے ہیں اور صحت مند ہیں۔
- Advertisement -
خاتون کے رشتے داروں میں اس خبر کے ساتھ ہی خوشی کی لہر دوڑ گئی اور انہوں نے صرف اسپتال کے عملے بلکہ تمام مریضوں کے متعلقین میں بھی مٹھائی تقسیم کی۔
