کراچی : وزیراعظم چودہ اگست کو پی آئی اے کی پریمیئر سروس کا افتتاح کرینگے، پی آئی اے پریمیئر سروس اسلام آباد سے لندن کیلئے اپنی پروازوں کا آغاز کرے گی۔
تفصیلات کے مطابق وزیراعظم نواز شریف یوم آزادی کے موقع پر پی آئی اے کی پریمیئرسروس کا افتتاح کرینگے، جس کے بعد پی آئی اے پریمیئر سروس اسلام آباد سے لندن کیلئے اپنی پروازوں کا آغاز کرے گی۔
سروس میں مہنگے داموں کرائے پر حاصل ایئربس330طیارہ آپریٹ کیا جائیگا، ایئربس330طیارے کو نئے لوگو کے ساتھ پینٹ کر دیا گیا ہے، طیارے پر خصوصی رنگ کرنے پر بھی پی آئی اے کو کروڑوں روپے خرچ کرنا پڑے۔
Sneak peek: PIA's newly acquired A-330 being painted in PIA livery. #PIAPremier pic.twitter.com/NaZYTSutDN
— Danyal Gilani (@Danyal_Gilani) August 7, 2016
ذرائع کے مطابق شاہی سواری کو تیار کرنے کیلئے پی آئی اے کے انجینئرنگ کا عملہ دن رات طیارے کو تیار کرنے میں مصروف ہے تاکہ 14اگست سے پہلے طیارے کو مکمل کیا جاسکے، پریمیئر سروس کیلئے پی آئی اے نے انتہائی مہنگے داموں کرائے پر تین ایئربس 330طیارے حاصل کئے ہیں۔
پی آئی اے ویٹ لسٹ پرحاصل کئے گئے ایک طیارے کا آٹھ ہزار ڈالر فی گھنٹہ کرایہ ادا کرے گی۔
اس سے قبل پی آئی اے ترجمان نے اعلان کیا تھا کہ پی آئی اے 14 اگست سے پریمیئر سروس کا آغاز کررہا ہے۔
Beautiful interior of Business & Economy class of PIA's newly leased A-330. #PIAPremier set 2 start from 14th August pic.twitter.com/1lCcHy3YU9
— Danyal Gilani (@Danyal_Gilani) August 6, 2016
پی آئی اے نے پریمیئر سروس کیلئے اسٹاف کے نئے یونیفارم کی رونمائی بھی کی تھی، ترجمان پی آئی اے نے اپنے ٹویٹ پیغام میں پاکستان انٹرنیشنل ایئر لائن کی نئی پریمیئر سروس کیلئے عملے کے ارکان کے نئے یونیفارم کی تصویر جاری کی۔
New uniform of #PIAPremier cabin crew unveiled. Premier service set to start on 14th August. pic.twitter.com/W2F3C1j7XG
— Danyal Gilani (@Danyal_Gilani) July 28, 2016
