کوئٹہ: پاک فضائیہ کے سربراہ ائیر چیف مارشل سہیل امان نے کوئٹہ میں کمبائنڈ ملٹری ہوسپٹل (سی ایم ایچ) کا دورہ کیا اور وزیراعلیٰ بلوچستان سے ملاقات کی تبادلہ خیال کیا بعدازاں زخمیوں سے ملاقات کی۔
ترجمان پاک فضائیہ کے مطابق ائیر چیف مارشل سہیل امان نے دورے کے دوران سی ایم ایچ میں زیر علاج سول اسپتال خود کش دھماکے اور زرغون روڈ پر دھماکے میں زخمی ہونے والوں کی عیادت اور شہداکے لیے دعا کی۔
ائیر چیف مارشل سہیل امان نے وزیراعلیٰ بلوچستان سردار ثنا اللہ زہری سے بھی ملاقات کی اور شدید زخمیوں کو کوئٹہ سے منتقل کرنے کے لیے ہرممکن تعاون کی یقین دہانی کروائی ۔
پاک فضائیہ ترجمان کے مطابق اب تک 73 زخمیوں کو سی ون تھرٹی طیارے کے ذریعے کوئٹہ سے کراچی منتقل کردیا گیا ہے۔
اطلاعات کے مطابق منتقل کردہ زخمیوں کی حالت تشویش ہے جنہیں بہتر علاج کے لیے کراچی کے آغا خان اسپتال منتقل کیا گیا جہاں انہیں علاج کی بہتر سہولتیں فراہم کی جارہی ہیں اور وہ رو بصحت ہیں۔
