کراچی: رینجرز نے کیماڑی میں کارروائی کرتے ہوئے سیاسی جماعت کے عسکری ونگ سے تعلق رکھنے والے 2 ملزمان گرفتار تفتسش کے لیے نامعلوم مقام پر منتقل کردیا گیا۔
ترجمان رینجرز سندھ کی جانب سے جاری کردہ اعلامیے میں کہا گیا ہے کہ ’’رینجرز نے کیماڑی میں کارروائی کرتے ہوئے سیاسی جماعت کے 2 ملزمان کو گرفتار کیا ہے جن کے قبضے سے بھاری تعداد میں اسلحہ اور بم برآمد کیا گیا ہے‘‘۔
پڑھیں: افغان خفیہ ایجنسی کراچی دہشت گردی میں ملوث ہے، ڈی جی رینجرز سندھ
اعلامیے میں مزید کہا گیا ہے کہ گرفتار ملزمان کی شناخت محمد اقبال اور مرناز کے ناموں سے ہوئی ہے، دونوں ملزمان اسلحہ اور گولہ بارود کی ترسیل اور شہر میں دیگر جرائم کی وارداتوں میں ملوث رہے ہیں۔
رینجرز کی جانب سے جاری کردہ اعلامیے میں کہا گیا ہے کہ ’’گرفتار ملزمان کے قبضے سے 2 دستی بم اور ایل ایم جیز سمیت سینکڑوں گولیاں برآمد ہوئی جو شہر میں بدامنی اور ٹارگٹ کلنگ کے لیے استعمال ہونی تھیں۔
