ناران : جھیل الملوک کے نزدیک برفانی تودہ گرنے سے 3 خواتین دب کر جاں بحق ہو گئی ہیں۔
تفصیلات کے مطابق مانسہر سے جھیل سیف الملوک کی جانب تفریح کے غرض جانے والے خاندان کی تین خواتین ایک برفانی تودے کے نزدیک تصاویر بنوارہی تھیں کہ اچانک برفانی تودہ خواتین پر آن گرا۔
اس موقع مقامی لوگوں نے فوری طور اپنی مدد آپ کے تحت امدادی کارروائی کرتے ہوئے برفانی تودے میں دبی تینوں خواتین کو باہر نکال لیا تا ہم تب تک تینوں خواتین جاں بحق ہو گئی تھیں،تینوں خواتین سڑک کنارےگلیشئرکےاندر سوراخ میں تصویریں کھنچوا رہی تھیں ۔
ریسکیو ادارے کی ایمبولینس نے پہنچ کر تینوں خواتین کی میتوں کو قریبی اسپتال منتقل کیا جارہا ہے جہاں انہیں ابتادئی کارروائی کے بعد لواحقین کے حوالے کر دیا جائے گا جو میتوں کو اپنے ہمراہ کراچی واپس لے جائیں گے۔
جاں بحق ہونے والی خواتین کے اہل خانہ کا کہنا تھا کہ وہ تفریح کے غرض سے کراچی سے یہاں آئے تھے کہ برف کے بڑے گلیشیئر کو دیکھ کر خواتین نے رُک کر تصایر بنا رہی تھیں کہ اچانگ ایک برفانی تودہ اُن پر آن گرا اور تینوں خواتین دب کر جاں بحق ہو گئیں۔
واضح رہے جھیل الملوک کو پریوں کا مسکن بتایا جاتا ہے یہ پاکستان کے تفریح مقامات میں سب سے خوبصورت اور دل آویز مقام ہے جو پریوں کی رومانوی داستانوں کے حوالے سے کافی شہرت ہے تا ہم اتنے اہم سیاحتی مرکز میں سہولیات کا فقدان ہے یہاں تک پہنچنے کا راستہ نہایت پُرخطر اور خستہ حال ہے جب کہ کسی ایمرجینسی سے نمٹنے کے لیے کوئی انتظامات نہیں ہیں۔
