کراچی: سندھ رینجرز نے پاپوش اور لیاقت آباد میں کارروائی کرتے ہوئے متعدد وارداتوں میں ملوث سیاسی جماعت کے عسکری ونگ سے تعلق رکھنے والے 2 ملزمان کو گرفتار کر کے نامعلوم مقام پر منتقل کردیا ہے۔
Rangers arrest two ‘target killers’ of MQM London by arynews
ترجمان رینجرز کی جانب سے جاری کردہ اعلامیہ کے مطابق گرفتار ملزمان کی شناف عابد اور آصف اسماعیل کے نام سے ہوئی ہے، اعلامیہ میں کہا گیا ہے کہ ملزم محمد کا تعلق ایم کیو ایم (لندن سیکریٹریٹ) کے عسکری ونگ سے ہے جو قتل اور راہزنی سمیت متعدد وارداتوں جن میں قادیانی جماعت سے تعلق رکھنے والے فرد کے قتل میں بھی ملوث تھا۔
پڑھیں: ترجمان رینجرز کی 2013 سے جاری آپریشن کی رپورٹ جاری
ترجمان رینجرز سندھ کی جانب سے جاری کردہ اعلامیہ میں مزید کہا گیا ہے کہ ’’ملزم محمد آصف اسماعیل ڈکیتی ، راہزنی کی متعدد وارداتوں میں ملوث ہے۔ کارروائی کے دوران دونوں ملزمان سے غیر قانونی اسلحہ اور دیگر اشیاء برآمد کی گئی ہیں‘‘۔ رینجرز اعلامیہ میں کہا گیا ہے کہ گرفتار ملزمان کو قانونی چارہ جوئی کے لیے پولیس کے حوالے کردیا ہے۔
