موغادیشو: صومالیہ کے دارالحکومت موغادیشومیں دہشتگردوں کےریستوران حملےمیں دوفوجیوں سمیت سات افرادہلاک ہوگئے.
تفصیلات کےمطابق صومالیہ کے دارالحکومت موغادیشومیں دہشتگردتنظیم الشباب کے جنگجوؤں نے ساحل کے قریب واقع ریستوران کےچیک پوسٹ پرروکے جانےپرکاربم دھماکہ کیا جس کے بعد دوحملہ آور فائرنگ کرتے ہوئےریستوران میں داخل ہوگئے.
دہشت گردوں کی فائرنگ سےسات افرادہلاک ہوئےمرنے والوں میں دو فوجی اورپانچ شہری شامل ہیں،سیکورٹی فورسزکی جوابی کارروائی میں دونوں حملہ آورمارےگئے.
*صومالیہ: دوخودکش کار بم دھماکوں میں 20 افراد ہلاک
یاد رہے کہ گزشتہ ہفتے صومالیہ میں دو خود کُش کار بم دھماکوں کے نتیجے میں دونوں حملہ آوروں سمیت20 افراد ہلاک اور متعدد افراد زخمی ہوئے تھے.
شمالی صومالیہ میں بارود سے بھرے ایک ٹرک کو موغادیشو سے ساڑھے سات سو کلومیٹر شمال کی جانب گَلکایو کے مقام پر ایک انتظامی عمارت سے ٹکرا دیا گیاتھا.
اسی علاقے میں دوسرا کار بم حملہ اُس وقت ہوا،جب لوگ پہلے دھماکے کے متاثرین کی مدد کرنے کی کوشش کر رہے تھے.
*صومالی دارالحکومت موغادیشومیں دوکاربم دھماکے،13افراد ہلاک
واضح رہے کہ گزشتہ ماہ صومالی دارالحکومت موغادیشومیں دوکاربم دھماکوں میں تیرہ افراد جان کی بازی ہار گئے تھے.دھماکے بین الاقوامی ہوائی اڈے کے قریب کیے گئے.
