کراچی: پاکستان میں رواں سال کا آخری چاند گرہن جاری ہے جس کا دورانیہ 3 گھنٹے 59 منٹ ہے۔
Lunar eclipse visible in Pakistan, other parts… by arynews
تفصیلات کے مطابق رواں سال کا آخری چاند گرہن جاری ہے، جسے ملک بھر میں دیکھا جارہا ہے، پاکستان میں چاند گرہن رات 9 بج کر 55 منٹ پر شروع ہوا جو رات ایک بج کر 54 منٹ تک جاری رہے گا۔ یہ گرہن بڑے عرصے کے بعد پاکستان میں مکمل نظر آرہا ہے۔
محکمہ موسمیات کے مطابق پاکستان میں آج رواں سال کا دوسرا چاند گرہن ہے جو رواں سال کا آخری گرہن بھی ہے، چاند گرہن کو ملک بھر میں دیکھا جا سکے گا، پاکستان میں چاند گرہن کا دورانیہ 3 گھنٹے اور 59 منٹ پر محیط ہوگا۔
محکمہ موسمیات کا کہنا ہے کہ اس رات پاکستان میں عمومی طور پر مطلع صاف رہنے کا امکان ہے۔
چاند گرہن آسڑیلیا، جاپان، نیوزی لینڈ، پاکستان، بھارت، بنگلہ دیش، بھوٹان، ایران، عراق، کویت، یواے ای اور دیگر ممالک میں دیکھا جا سکے گا جبکہ امریکہ، کینیڈا اور دیگر ممالک میں نظر نہیں آئے گا۔
اس چاند گرہن کی خاص بات یہ ہیں کہ یہ 22 ستمبر کے قریب لگ رہا ہے جب دن اور رات کا دورانیہ تقریبا برابر ہوتا ہے، جس کی وجہ سے ایسے Penumbral چاند گرہن کہا جا رہا ہے، Penumbral چاند گرہن کے دوران زمین کا مکمل سایہ چاند پر نہیں پڑتا۔
واضح رہے کہ رواں سال کا پہلا چاند گرہن 23مارچ میں جب کہ دوسرا 18 اگست کو ہوا تھا۔
چاند گرہن کب ہوتا ہے؟
زمین پر پڑنے والی سورج کی روشنی کے سبب بننے والا زمین کا سایہ جب چاند پر پڑتا ہے تو چاند گرہن واقعہ ہوتا ہے۔ یہ مکمل بھی ہوتا ہے اور جزوی بھی مکمل چاند گرہن اس وقت لگتا ہے جب سورج زمین کے بالکل پیچھے ہوتا ہے۔
