ابوظہبی : فاسٹ بولر محمد عامر والدہ کی طبیعت خراب ہونے کے باعث آخری ون ڈے میں ٹیم کا حصہ نہیں ہونگے۔
تفصیلات کے مطابق محمد عامر کی والدہ کی طبیعت ناساز ہوگئی اور سانس لینے میں شدید دشواری کے باعث اسپتال میں زیرِ علاج ہے۔ جس کے بعد محمد عامر نے وطن واپس آنے کا فیصلہ کیا جبکہ ٹیم مینجمنٹ نے بھی محمد عامر واپس جانے کی اجازت دیدی ہے۔
تیسرے ون ڈے میں محمد عامر کی جگہ محمد حفیظ کو ٹیم میں شامل کیا جائے گا۔
زرائع کے مطابق محمد عامر فوری دبئی سے پاکستان کیلئے روانہ ہوں گے۔
پاکستان اور ویسٹ انڈیز کے درمیان تیسرا ون ڈے کل ابوظہبی میں ہوگا جبکہ پاکستان کو تین ایک روزہ میچوں کی سیریز میں دو صفر کی ناقابل شکست برتری حاصل ہے۔
