لندن: ایم کیو ایم کے سینئر رہنمامحمد اشفاق نے کہا کہ کراچی کے بعض علاقوں میں محرم الحرام کے سلسلے میں لگائی جانے والی سبیلوں کو قانون نافذ کرنے والے اداروں کی جانب سے ہٹائے جانے کا عمل قابل مذمت ہے اسے عمل کو فوری طور پر روکا جائے۔
ایم کیو ایم لندن کی جانب جاری کردہ اعلامیے میں محمد اشفاق کا کہنا تھا کہ ’’کراچی کے مختلف علاقوں میں ہرسال شہریوں کی جانب سے محرم الحرام کے موقع پر سبیلیں لگائی جاتی ہیں تاہ امسال قانون نافذ کرنے والے اداروں کی جانب سے مختلف جواز پیش کر کے سبیلوں کو ہٹایا جارہا ہے۔
پڑھیں: سندھ میں محرم الحرام کی سیکیورٹی کا پلان تیار
یاد رہے دو روز قبل قانون نافذ کرنے والے اداروں کی جانب سے سبیلیں ہٹانے کے بعد گلستان جوہر میں اہل تشیع حضرات کی جانب سے احتجاجی مظاہرہ کیا گیا تھا، جس میں مظاہرین نے حکومت سے مطالبہ کیا کہ اس طرح کی کارروائیاں فی الفور روکی جائیں۔
