اسلام آباد :ترجمان دفتر خارجہ کاکہنا ہےکہ بھارت نے رواں سال نوے مرتبہ ایل اوسی پر بلااشتعال فائرنگ کرکے سیزفائر معائدے کی خلاف ورزی کی۔
تفصیلات کےمطابق ترجمان دفترخارجہ نفیس ذکریا کا کہنا ہے کہ بھارت نے ایک بار پھر سیز فائر کی خلاف ورزی کی اور کنٹرول لائن پر دو مرتبہ بلااشتعال فائرنگ کی جس کا پاک فوج نے منہ توڑ جواب دیا۔
ترجمان دفتر خارجہ نے سماجی رابطے کی ویب سائٹ ٹوئٹر پر اپنے پیغام میں لکھا کہ بھارت نے رواں سال نوے سے زائد مرتبہ کنٹرول لائن پر بلااشتعال فائرنگ کرکے سیزفائر معاہدے کی خلاف ورزی کی۔
#LoCViolationsbyIndia India again resorts 2unprovoked firing on LoC; during 2016 India violated ceasefire more than 90 times. This #muststop
— M. Nafees Zakaria (@ForeignOfficePk) October 17, 2016
مزید پڑھیں:لائن آف کنٹرول پربھارتی جارحیت،پاک فوج کا منہ توڑجواب
یاد رہے کہ گزشتہ روز آئی ایس پی آر کے مطابق بھارتی فورسز نےصبح ساڑھے چار بجے سے سات بجے تک کنٹرول لائن کے کھوئی رٹہ سیکٹر پر بلا اشتعال فائرنگ کی تھی۔پاکستانی فورسز نے بھارتی اشتعال انگیزی کا منہ توڑ جواب دیتے ہوئے دشمن کی بندوقوں کو خاموش کرادیاتھا۔
مزید پڑھیں: آرمی چیف کا لائن آف کنٹرول کا دورہ،جوانوں سےملاقات
واضح رہے کہ گزشتہ ہفتے آرمی چیف جنرل راحیل شریف نے لائن آف کنٹرول پر حاجی پیر سیکٹر کا دورہ کیا تھااور اگلے مورچوں پر جوانوں سے ملاقاتیں کیں اس موقع پر آرمی چیف نے جوانوں کے عزم وحوصلے کی تعریف کی تھی۔
