اسلام آباد : قومی سلامتی سے متعلق خبر لیک ہونے کے معاملہ پر وفاقی وزیر اطلاعات پرویز رشید کی برطرفی سے متعلق بلاول بھٹو زرداری، ڈاکٹر طاہرالقادری اور مولا بخش چانڈیو نے اسے دکھاوا اور دھوکا قراردیا، ان کا کہنا ہے کہ ہم قربانی کا بکرا یا مصنوعی قربانی ہر گزقبول نہیں کریں ہم احتساب چاہتے ہیں، پروانوں کی قربانی سے کام نہیں چلے گا۔ پکی قربانی دینا ہوگی۔

تفصیلات کے مطابق پیپلزپارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئٹر پر اپنے پیغام میں کہا ہے کہ ہم قربانی کا بکرا یا مصنوعی قربانی ہر گزقبول نہیں کریں ہم احتساب چاہتے ہیں۔

So true. We will not accept scapegoats or artificial sacrifice. We demand accountability! https://t.co/tf9hobdOYs

— BilawalBhuttoZardari (@BBhuttoZardari) October 29, 2016

حکومت کی جانب سے وفاقی وزیر اطلاعات پرویز رشید کو برطرف کیے جانے کے فیصلے کو پاکستان عوامی تحریک کے سربراہ ڈاکٹرطاہر القادری نے اسے دھوکا اوردکھاوا قرار دیا ہے

انہوں نے کہا کہ پرویز رشید کے خلاف کوئی ایکشن نہیں ہو گا ،چند ماہ بعد انہیں آب زم زم سے نہلا کر وزارت پر بحال کر دیا جائے گا۔

ڈاکٹر طاہرالقادری کا کہنا تھا کہ اس سے قبل رانا ثناء اللہ کو بھی ماڈل ٹاؤن کیس میں وزارت سے ہٹانے کا ڈرامہ کیا گیا تھا، اس کے علاوہ مشاہد اللہ کو بھی فوج کے
خلاف سازشی انٹرویو پروزارت سے ہٹایا گیا۔ اس کے بعد ہوا کیا؟ سب کے سامنے ہے۔

A drama of removing Rana Sanaullah from his ministry was enacted in Model town case and he was reinstated later on.

— Dr Tahir-ul-Qadri (@TahirulQadri) October 29, 2016

مزید پڑھیں: وزیراعظم کا ایک درباری فارغ اور دوسرا دبئی فرار ہو گیا،عمران خان

پروانوں کی قربانی سے کام نہیں چلے گا۔ پکی قربانی دینا ہوگی۔ جبکہ عمران خان نے کہا کہ کرپٹ وزیراعظم سب سے بڑا سیکورٹی رسک بن چکا ہے۔ قوم چھوٹی چھوٹی قربانیاں نہیں چاہتی، شاہی خاندان سےنجات چاہتی ہے۔