نیلسن : نیوزی لینڈ کے جنوبی جزیرے میں زلزلے کے جھٹکے محسوس کیے گئے ہیں،پاکستانی کرکٹ ٹیم بھی ٹیسٹ سیریز کھیلنے کے لیے نیلسن میں موجود ہے۔

غیر ملکی خبر رساں ایجینسی کے مطابق نیوزی لینڈ کے جنوبی جزیرے میں 7.4 ریکٹر کی شدت کے زلزلے کے جھٹکے محسوس کیے گئے ہیں پاکستان کی قومی کرکٹ ٹیم اور ویمن کرکٹ ٹیم بھی نیوزی لینڈ سے ٹیسٹ میچوں کی سیریز کھیلنے کے لیے نیلسن کے ایک ہوٹل میں قیام پذیر ہیں۔

اے آر وائی کے نمائندہ خصوصی برائے کھیل شاہد ہاشمی جو اس وقت ٹیسٹ سیریز کی کوریج کے لیے نیوزی لینڈ میں ہی موجود ہیں نے اے آر وائی سے بات کرتے ہوئے بتایا کہ پاکستانی قومی کرکٹ ٹیم اور قومی ویمن کرکٹ ٹیم کے تمام کھلاڑی خیریت سے ہیں اور ہوٹل سے باہر کھلی جگہ پر جمع ہو گئے ہیں۔

امریکی جیولوجیکل سروے کے مطابق ریکٹر اسکیل پر زلزلہ کی شدت 6.6 سے 7.4 ریکارڈ کی گئی ہے جب کہ زلزلے کے مرکز کی گہرائی 10 کلومیٹر نوٹ کی گئی ہے۔