ویلنگٹن: نیوزی لینڈ کےوزیراعظم جان کی کا کہناہےکہ ملک کے جنوبی حصے میں 7.5 شدت کے زلزلے کےنتیجے میں2افرادہلاک جبکہ مزید ہلاکتوں کا خدشہ ہے۔
تفصیلات کےمطابق نیوزی لینڈ میں 7.5 شدت کے زلزلے کے بعدمحکمہ شہری دفاع نے سونامی کی وارننگ جاری کرتے ہوئے کہا کہ سونامی شمالی جزیرے کی مشرقی پٹی سے ٹکرا سکتا ہے،جس سے بچنے کےلیے عوام فوری طور پر محفوظ مقامات کی جانب منتقل ہو جائیں۔
امریکی جیولوجیکل سروےکے مطابق زلزلے کامرکز نیوزی لینڈ کے جزیرے پر قائم شہر کرائسٹ چرچ سے جنوب میں 90 کلومیٹر دور تھا۔
نیوزی لینڈ کے وزیراعظم جان کی کا کہناہے کہ پولیس کو زلزلے سےمتاثرہ علاقوں میں امدادی کاموں کےلیے روانہ کردیا گیا ہے۔انہوں نے کہا کہ زلزلے سے شدید متاثرہ علاقوں میں امدادی کارروائیوں کیلئے ہیلی کاپٹر بھیجا جائے گا۔
Heading south with Gerry Brownlee and Andrew Little to check in on the people of Kaikoura and surrounding areas. pic.twitter.com/dMQ3xi5xPn
— John Key (@johnkeypm) November 14, 2016
وزیراعظم جان کی نے مواصلاتی نظام میں مشکلات کی تصدیق کرتے ہوئے کہا کہ فوری طور پرمزید تفصیلات فراہم نہیں کی جاسکتیں۔اس سے قبل حکومت نے زلزلے کے بعد سونامی کی وارننگ جاری کردی۔
واضح رہےکہ پاکستان کی قومی کرکٹ ٹیم اور ویمن کرکٹ ٹیم بھی نیوزی لینڈ میں موجود ہیں اور گزشتہ روز آنے والے زلزلے میں کھلاڑی اور دونوں ٹیموں کا اسٹاف محفوظ رہا۔
