اشتہار

اب تک 40 سے زائد بھارتی فوجی مار چکے ہیں، راحیل شریف

اشتہار

حیرت انگیز

اسلام آباد: آرمی چیف جنرل راحیل شریف نے کہا ہے کہ ہمارے 7 جوانوں کی شہادت والے دن بھارت کے 11 فوجی مارے گئے، ایل او سی پر اب تک 40 تا 45بھارتی فوجی مارے جا چکے ہیں،بھارت مردانگی کا ثبوت دیتے ہوئے اپنے فوجیوں کی ہلاکت کا بتایا کرے۔

اسلام آباد میں صحافیوں سے غیر رسمی بات چیت کرتے ہوئے جنرل راحیل شریف نے کہا کہ بہترین دفاع کا سہرا فوج کے سر ہے، فوج نے ملکی دفاع کے معاملے پر بہترین نتائج دیے ہیں۔

- Advertisement -

army-1

انہوں نے کہا کہ ہم اپنے فوجی جوانوں کی شہادت کو تسلیم کرتے ہیں مگر بھارت اپنے فوجیوں کی ہلاکت کو چھپاتا ہے، بھارتی فوج کو چاہیے کہ وہ مردانگی کا مظاہرہ کرتے ہوئے فوجیوں کی ہلاکت سے سب کو آگا کرے۔

army-2

جنرل راحیل شریف کا کہنا تھا کہ بھارت کی جانب سے سرجیکل اسٹرائیک کا دعویٰ بھی جھوٹا نکلا، بھارت کو اپنے دعووں پر ہمیشہ ہی شرمندگی کا سامنا کرنا پڑتا ہے۔

army-3

سپہ سالار نے کہا کہ بھارتی وزیر اعظم کو ہماری بات سمجھ آگئی ہے کہ جارحیت سے کچھ نہیں ملے گا، بھارتی فوج مردانگی کا مظاہرہ کرتے ہوئے ہلاک فوجیوں کا بتائے۔

انہوں نے مزید کہا کہ خیرپور ٹامی والی میں مشقیں آج کامیاب رہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں