18.2 C
Ashburn
بدھ, مئی 22, 2024
اشتہار

صدرِ مملکت نے جسٹس شوکت عزیز صدیقی کی برطرفی کا حکم واپس لے لیا

اشتہار

حیرت انگیز

اسلام آباد : صدر مملکت آصف زرداری نے جسٹس شوکت عزیزصدیقی کی برطرفی کا حکم واپس لیتے ہوئے ریٹائرمنٹ کا حکم جاری کردیا۔

تفصیلات کے مطابق صدرمملکت آصف زرداری نے جسٹس شوکت عزیزصدیقی کی برطرفی کا حکم واپس لے لیا۔

صدرمملکت نے جسٹس شوکت عزیز کی ریٹائرمنٹ کا حکم جاری کردیا ، وزارت قانون نے جسٹس شوکت عزیز کی ریٹائرمنٹ کا نوٹیفکیشن جاری کیا۔

- Advertisement -

نوٹیفکیشن میں کہا گیا کہ جسٹس شوکت عزیز  کی برطرفی کانوٹیفکیشن منسوخ تصور ہوگا۔

یاد رہے رواں ماہ کے آغاز میں صدر مملکت آصف علی زرداری نے جسٹس شوکت عزیز کی ریٹائرمنٹ کا نوٹیفکیشن جاری کرنے کی منظوری دی تھی۔

نوٹیفکیشن کی منظوری سپریم کورٹ کے 22 مارچ کے فیصلے کی روشنی میں دی ، نوٹیفکیشن کا اطلاق جسٹس شوکت عزیز کی ریٹائرمنٹ کی عمر پوری ہونے کی تاریخ 30 جون 2021 سے ہوگا۔

واضح رہے جسٹس شوکت عزیز کو ادارے کیخلاف الزام پر ملازمت سےبرطرف کیاگیا تھا، جس کے بعد سپریم کورٹ نے جسٹس شوکت عزیز کی نظرثانی درخواست منظور کرکے برطرفی کالعدم قرار دی تھی۔

سپریم کورٹ کی جانب سے جاری فیصلے میں کہا گیا تھا کہ سپریم جوڈیشل کونسل کی جانب سے شوکت عزیز   کی برطرفی کو غیر قانونی قرار دیا جاتا ہے جب کہ 11 اکتوبر 2018 کو وزیراعظم کی سفارش پر صدر نے ان کی برطرفی کا نوٹیفکیشن جاری کیا اسے بھی کالعدم قرار دیا جاتا ہے۔

عدالتی فیصلے میں کہا گیا تھا کہ جسٹس شوکت عزیز صدیقی کو بحال نہیں کیا جاسکتا، انہیں ریٹائرڈ جج تصور کیا جائے، وہ بطور جج اسلام آباد ہائیکورٹ ریٹائرڈ اور تمام مراعات وپینشن کے حقدارہوں گے، انہیں پینشن سمیت تمام مراعات ملیں گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں