پشاور: صوبہ خیبر پختونخواہ کےشہر پشاور میں رنگا رنگ ہفتہ فرنٹیئرکورکا کورکمانڈر پشاور نے افتتاح کیا۔جس میں جوانوں نے دہشت گردوں سےنمٹنےکی بہترین عملی مشقوں کا مظاہرہ کیا۔
تفصیلات کے مطابق کور کمانڈر پشاور لیفٹیننٹ جنرل ہدایت الرحمان نے ہفتہ فرنٹئیر کور کا فیتہ کاٹ کر افتتاح کیا۔افتتاح کے بعدفضا میں رنگ برنگی غبارے چھوڑے گئے۔
پشاور میں ہفتہ فرنٹیئر کور کے پہلے روز دہشت گردوں سے نمٹنے کےلیے جوانوں نے اپنی بہترین صلاحیتوں کا عملی مظاہرہ کیا۔
- Advertisement -
کور کمانڈر پشاور نے بہترین کارکردگی کا مظاہرہ کرنے والے فرنٹیئر کور کو جوانوں کو تمغے دیے۔تقریب میں اعلی سول اور فوجی حکام سمیت دیگر افراد نے شرکت کی۔
واضح رہے کہ پندرہ سال بعد منعقد ہونےوالے فرنٹیئر کور کی تقریبات ایک ہفتے جاری رہیں گی جس میں مختلف ایونٹس پیش کیے جائیں گے۔
