ہملٹن: قومی کرکٹ ٹیم کے کوچ مکی آرتھر نے کہا ہے کہ پاکستان کے پاس ایسے باؤلرز موجود ہیں جو اپنی عمدہ باؤلنگ اور سوئنگ کی خصوصیات کے ساتھ مخالف ٹیم کو پریشان کرتے ہوئے حقیقی طور پر تباہی مچا سکتے ہیں۔
کرک انفو سے خصوصی گفتگو کرتے ہوئے کوچ آرتھر نے کہا کہ ’’نیوزی لینڈ کے خلاف کھیلے جانے والے پہلے ٹیسٹ میں کچھ کھلاڑیوں میں ایسی خصوصیات نظر آئیں جو آسٹریلیا کے دورے میں اہم ہتھیارثابت ہوسکتی ہیں‘‘۔
انہوں نے کہا کہ فاسٹ باؤلر وہاب ریاض کی سوئنگ نے کیوی بیٹسمینوں کو پریشان کیا، اُن کی باؤلنگ دیکھ کر ٹیم مینجمنٹ نے دورہ آسٹریلیا میں انہیں بطور اہم ہتھیار کے طور پر سلیکٹ کیا جائے گا اور امید ہے کہ وہ ہماری امیدیوں پر پورا اتریں گے۔
پڑھیں : ’’ سلو اوور ریٹ، کپتان مصباح الحق ایک میچ کے لیے معطل ‘‘
مکی آرتھر نے کہا کہ ’’وہاب اپنی رفتار اور ریورس سوئنگ کی صلاحیتوں کے باعث آسٹریلیا میں ہتھیار نمبر ایک ثابت ہوں گے، وہ غیر معمولی باؤلر ہیں کیونکہ وہ دونوں کنڈیشنز میں باؤلنگ کروانے کی صلاحیت رکھتے ہیں‘‘۔
مزید پڑھیں: ’’ نیوزی لینڈ نے پاکستان کو 8 وکٹوں سے شکست دے دی ‘‘
پاکستان اور آسٹریلیا کے درمیان سیریز کا پہلا ڈے اینڈ نائٹ ٹیسٹ 15 دسمبر کو برسبین گابا میں ہوگا۔
