کراچی : سابق صدر آصف علی زرداری نےسابق مشیرقانون وزیراعلیٰ سندھ بیرسٹر مر تضیٰ وہاب کو دبئی طلب کرلیا۔
تفصیلات کےمطابق بیرسٹرمرتضیٰ وہاب کو سابق صدر آصف علی زرداری نے دبئی طلب کرلیا۔مر تضی وہاب آصف علی زرداری کو سندھ کے مشیروں سےمتعلق ہائی کورٹ کے فیصلے سےآگاہ کریں گے۔
ذرائع کےمطابق وزیر اعلیٰ سندھ مراد علی شاہ بھی آج دبئی روانہ ہوں گے۔ جہاں وہ سابق صدر آصف علی زرداری سے ملاقات کریں گے۔ذرائع کا کہنا ہے کہ ملاقات میں وزیرا علیٰ سندھ آصف علی زرداری کو حکومتی امور سے متعلق آگاہ کریں گے۔
مزید پڑھیں:عدلیہ کا احترام ہے پرپابندی صرف سندھ میں کیوں؟ مولا بخش چانڈیو
یاد رہے کہ گزشتہ روز سندھ کے مشیرِاطلاعات مولابخش چانڈیو کا کہنا تھاکہ جب وفاق اورتینوں صوبوں میں مشیررکھے جاسکتے ہیں توسندھ میں پابندی کیوں لگائی جارہی ہے۔
مزید پڑھیں:عدالت نےمشیرقانون سندھ کوکابینہ اجلاس میں شرکت سےروک دیا
واضح رہے کہ دوروز قبل سندھ ہائیکورٹ نےمشیرقانون مرتضی وہاب کوکابینہ اجلاس میں شرکت سےروک دیاتھا۔عدالت نے مرتضی وہاب کو لاکالجزکےبورڈآف گورنرز کی سربراہی سے ہٹانےکاحکم بھی جاری کیاتھا۔
