کراچی: پاکستان پیپلز پارٹی کے شریک چیئرمین اور سابق صدر آصف علی زرداری نے دبئی سے وطن واپسی کی تیاریاں شروع کردیں۔
نمائندہ اے آر وائی نیوز ارباب چانڈیو کے مطابق سابق صدر کی وطن واپسی کی تیاریاں زور و شور سے جاری ہیں، بتایا جارہاہے کہ آصف زرداری دسمبر کی 15 سے 10 تاریخ کے درمیان وطن واپس پہنچیں گے ان کی واپسی لاہور، کراچی یا لاڑکانہ میں ہوگی۔
رپورٹر نے بتایا کہ آصف زردار ی کے استقبال کے لیے پارٹی رہنمائوں نے انتظامات شروع کردیے ہیں، اس ضمن میں صلاح و مشورے جاری ہیں، ٹرک بھی تیار کیا جارہا ہے جس میں زرداری ایئرپورٹ سے ٹرک میں بیٹھ کر اپنی منزل تک پہنچیں گے۔
اطلاعات ہیں کہ اپنی واپسی کی حتمی تاریخ کا اعلان آصف زرداری خود کریں گے۔
