راولپنڈی: آرمی چیف جنرل قمر جاوید باجوہ سے برطانوی جوائنٹ آپریشنز کے کمانڈر نے ملاقات کی۔ لیفٹیننٹ جنرل سرجان لوریمر نے دہشت گردی کے خلاف جنگ میں پاک فوج کے کردار کو سراہا۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے برطانوی جوائنٹ آپریشنز کے کمانڈر لیفٹیننٹ جنرل سرجان لوریمر نے ملاقات کی۔
ملاقات کے موقع پر پیشہ ورانہ دلچسپی اور علاقائی سیکیورٹی کے امور پر تبادلہ خیال کیا گیا۔ برطانوی جوائنٹ آپریشنز کے کمانڈر نے دہشت گردی کے خلاف جنگ میں پاک فوج کے کردار کو سراہا۔
لیفٹیننٹ جنرل سرجان لوریمر کا کہنا تھا کہ پاک فوج کا خطے میں امن کے لیے کردار قابل تعریف ہے۔ انہوں نے کہا کہ پاک فوج نے دہشت گردی کی بیخ کنی کے لیے مؤثر اقدامات کیے۔
انہوں نے پاک فوج کے خطے میں امن و استحکام کے لیے کی گئی کوششوں کی بھی تعریف کی۔
