تازہ ترین

انٹرنیٹ استعمال کرنے والے پاکستانیوں کیلیے بُری خبر

اسلام آباد: انٹرنیٹ استعمال کرنے والے پاکستانیوں کیلیے بری...

بہت جلد فوج سے مذاکرات ہوں گے، شہریار آفریدی کا دعویٰ

اسلام آباد: سابق وفاقی وزیر و رہنما پاکستان تحریک...

ہم سب مل کر ٹیم پاکستان ہیں، آرمی چیف

آرمی چیف جنرل عاصم منیر نے کہا ہے کہ...

یمن میں فوجی کیمپ پرخودکش حملہ،48افرادجاں بحق

عدن: یمن کے جنوبی شہر عدن میں فوجی اڈے پر خودکش بم دھماکے میں 48 فوجی جاں بحق اور درجنوں زخمی ہوگئے ہیں۔

تفصیلات کےمطابق یمن کےشہر عدن میں یہ حملہ اس وقت ہوا جب فوجی اڈے پر متعدد اہلکار اپنی تنخواہیں لینے کے جمع ہوئے تھے۔خودکش دھماکے میں کم ازکم 48فوجی جاں بحق اور درجنوں شدید زخمی ہوگئے۔

داعش کی نیوز ویب سائٹ اعماق کی جانب سے جاری بیان میں واقعے کی ذمہ داری قبول کرتے ہوئے کہاگیا کہ’داعش کے ایک رکن نے السولہ بن ملٹری کیمپ میں خود کش دھماکا کیا جہاں یمنی فوج کے اہلکار جمع تھے‘۔

خیال رہے کہ اس سےقبل رواں سال اگست میں عدن میں ایک خودکش حملے میں 60 افراد ہلاک ہوگئے تھے۔اس حملے کی ذمہ داری شدت پسند تنظیم دولتِ اسلامیہ نے قبول کی تھی۔

یاد رہے کہ حکومت کی حامی فورسز نے سعودی عرب کی سربراہی میں قائم بین الاقوامی اتحادی فوج کی مدد سے 2015 میں عدن کا کنٹرول سنبھالا تھا۔

واضح رہے کہ اقوام متحدہ کے اعدادوشمار کے مطابق خانہ جنگی کے آغاز سےاب تک 7270 افراد مارے جا چکے ہیں جن میں سے زیادہ تر عام شہری ہیں۔

Comments

- Advertisement -