کراچی: وزیر اعلیٰ سندھ اچانک سندھ سیکریٹریٹ پہنچ گئے جہاں انہوں نے سیکریٹریٹ کے مختلف حصوں کا دورہ کیا۔
تفصیلات کے مطابق وزیر اعلیٰ سندھ مراد علی شاہ نے سندھ سیکریٹریٹ کے ساتویں فلور پر چھت کا معائنہ کیا۔
وزیر اعلیٰ نے افسران کی حاضری چیک کی اور غیر حاضر افسران کو شو کاز نوٹس دینے کی ہدایت جاری کی۔ انہوں نے افسران کو وقت کی پابندی کو یقینی بنانے کا احکامات بھی دیے۔
- Advertisement -
مراد علی شاہ سیکریٹریٹ میں پڑے کچرے اور فالتو سامان کی موجودگی پر برہم ہوگئے۔ وزیر اعلیٰ نے محکمہ ہوم، یوتھ افیئر اور دیگر محکموں کے سیکریٹریز کے دفاتر کا معائنہ بھی کیا۔
وزیر اعلیٰ کا کہنا تھا کہ بیورو کریسی عوام کے مسائل حل کرنے کے لیے پبلک ڈیلنگ ضرور کرے۔
