کابل :افغانستان کےشہر فرح میں طالبان نے افغان پولیس کی چیک پوسٹ پر حملہ کیا جس کے نتیجے میں11پولیس اہلکار ہلاک ہوگئے۔
تفصیلات کےمطابق افغان میڈیا کا کہناہے کہ افغانستان کے شہر فرح میں رات گئے تین بجے پولیس چیک پوسٹ پرحملہ کیا جس میں 11پولیس اہلکار مارے گئے۔
افغان میڈیا کے مطابق طالبان نے فرح شہر میں واقع چیک پوسٹ پر موجود پولیس اہلکاروں کو فائرنگ کر کے ہلاک کیا اور با آسانی فرار ہو گئے۔
- Advertisement -
پولیس چیک پوسٹ پر حملے کے بعد حملہ آور جاتے ہوئے پولیس اہلکاروں کے ہتھیار اور دیگر ضروری سامان بھی ساتھ لے گئے۔
ٕ
واضح رہےکہ گزشتہ روز نامعلوم افراد نے پاکستان میں افغانستان کے سابق سفیر ملا عبدالسلام صعیف کے گھر پر بھی حملہ کیا تھاجس کے نتیجے میں ایک سیکورٹی گارڈ ہلاک ہو گیاتھا۔حملے کےوقت سابق سفیر گھر پر موجود نہیں تھے۔
