کراچی : مارشل آرٹ کے ماہر راشد نسیم نے ماتھے سے ناریل توڑنے کا عالمی ریکارڈ بنالیا۔ راشد نسیم نے ماتھے سے تینتالیس ناریل توڑ کر ریکارڈ بنایا۔
تفصیلات کے مطابق کراچی کے رہائشی راشد نسیم نے سال کے آخری دن پاکستان کو ایک اور اعزازدلا دیا، مارشل آرٹ کے ماہر راشد نسیم نے اپنے ماتھے سے مسلسل تینتیالیس ہرے ناریل توڑنے کا نیا عالمی ریکارڈ قائم کردیا۔
راشد نسیم نے اتنی مہارت اور تیزی سے ناریل توڑے کہ دیکھنے والے حیران رہ گئے۔ اس سے قبل ماتھے سے پینتیس ہرے ناریل توڑنے کا ورلڈ ریکارڈ قائم ہے۔
راشد نسیم اس سے قبل سترہ عالمی ریکارڈ بھی اپنے نام کرچکے ہیں۔ ناریل توڑ کر نیا ریکارڈ بنانے کی ویڈیو گنیز بک آف ورلڈ ریکارڈ کو بھیجی جائے گی۔
