راولپنڈی : آرمی چیف نے کابل اور قندھار میں ہونے والے دہشت گردی کے واقعات میں قیمتی جانوں کے ضیاع پرافسوس کااظہار کرتے ہوئے کہا ہے کہ پاک فوج افغان عوام کے غم میں برابر کی شریک ہے۔
ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ نے کابل میں افغان پارلیمنٹ کے نزدیک ہونے والے دھماکوں کے نتیجے میں قیمتی جانوں کے ضیاع پر افسوس کا اظہار کر تے ہوئے دہشت گردی کے واقعے کی شدید الفاظ میں مذمت کی ہے۔
#COAS strongly condemns T attks in #Kabul#Kandahar. Grieved on loss of precious lives. Pak Army stands with Afg Ppl & Forces agnst terrorism
— Maj Gen Asif Ghafoor (@OfficialDGISPR) January 11, 2017
ڈی جی آئی ایس پی آر نے بتایا کہ آرمی چیف قمر باجوہ نے کہا ہے کہ پاک فوج غم کی اس گھڑی میں افغان عوام کے غم میں برابر کی شریک ہے اور دہشت گردی کے خاتمے کے لیے افغان عوام اور افغان فورسز کے ساتھ کھڑی ہے۔
*کابل اور قندھار میں دھماکے، 37 افراد جاں بحق، 98 زخمی
واضح رہے گزشتہ روز افغان پارلیمنٹ کے نزدیک کار بم اور خود کش دھماکے کے نتیجے میں 31 افراد جاں بحق اور 85 سے زائد افراد زخمی ہوگئے تھے زخمیوں میں کئی غیر ملکی حکام بھی شامل تھے۔
