معروف پاکستانی نژاد گلوکار بوہیمیا کا کہنا ہے کہ پاکستانی گلوکار ابرار الحق نے انہیں الکوحل اور سگریٹ نوشی چھوڑنے کی ترغیب دی۔
اپنے سماجی رابطوں کی ویب سائٹ ٹوئٹر پر بوہیمیا نے اپنی اور ابرار الحق کی ایک تصویر پوسٹ کرتے ہوئے کہا، ’جب سے میں اس شخص سے ملا ہوں، میں نے الکوحل اور سگریٹ نوشی ترک کردی ہے‘۔
Ever since I’ve met this man, I’ve been alcohol and smoke free. Thank you sir @AbrarUlHaqPK If I can do it, anyone can. #Merijeet pic.twitter.com/SkqPa876G4
— BOHEMIA (@iambohemia) January 23, 2017
بوہیمیا نے ابرار الحق کا شکریہ ادا کرتے ہوئے اپنے پرستاروں کو بھی اپنی روش اختیار کرنے کا کہا۔
اس سے ایک ماہ قبل بھی انہوں نے ٹوئٹر پر اپنی ایک پوسٹ میں لکھا تھا کہ گزشتہ ایک ماہ سے وہ الکوحل اور سگریٹ کا استعمال بالکل چھوڑ چکے ہیں، تاہم اس وقت انہوں نے یہ نہیں بتایا کہ اس کی ترغیب انہیں کس نے دی۔
FACT: I’ve been alcohol and smoke free for over a month, oxygen is my only drug now. #ificandoitsocanyou #change #saynotodrugs pic.twitter.com/jQ3P7RYnnK
— BOHEMIA (@iambohemia) December 15, 2016
یاد رہے کہ بوہیمیا ابرارالحق کے نئے گانے ’ایتھے رکھ‘ میں اپنی آواز کا جادو جگانے جا رہے ہیں اور گانے کی عکس بندی کے لیے دونوں گلوکار آج کل دبئی میں موجود ہیں۔
With my brother @iambohemia in Dubai for the shoot of new song 🙂 pic.twitter.com/hd069s1FYp
— Abrar Ul Haq (@AbrarUlHaqPK) November 27, 2016
بوہمیا اس سے قبل سجاد علی کے ساتھ ان کے گانے تماشہ میں بھی اپنی گلوکاری کا مظاہرہ کر چکے ہیں۔
